单场栏目
当前位置:  足彩单场 >国际专家> 正文

足球单场602期第13场:沙士菲爭標路難行

日期:11-6-2  来源:彩票直通车  编辑:风铃  浏览人数:
        彩票直通车足球单场预测


        聽朝上演嘅自由盃4強次回合,由阿根廷「一哥」沙士菲主場迎擊烏拉圭老牌勁旅彭拿路,首回合彭拿路贏1:0。兩軍教頭係老對手,當年彭拿路主帥迪高阿古利就曾擊敗過沙士菲主帥加利卡,今晚後者想復仇都幾難,事關沙士菲近排有中場重心列卡度艾華利斯遭挖角,影響軍心,加上彭拿路大賽經驗更豐富,守得住唔出奇,我捧2.95倍「讓球客勝」!(有線61周五早上8:50直播)


        彭拿路主帥擅爭自由盃


        沙士菲為咗喺自由盃收復失地誓闖決賽,上星期場聯賽刻意收起部分主力,結果作客輸畀堤格雷1:2。雖然話鬥志有保證,但考慮到佢哋個中場指揮官列卡度艾華利斯近排受到以阿仙奴為首嘅多間歐洲大球會垂青,話唔定好快會走人,軍心唔多唔少都受到影響。


        彭拿路呢邊,喺外號「野獸」嘅主帥迪高阿古利帶領下終於走入復興年代,呢支5屆自由盃盟主對上一次躋身4強已經係24年前嘅事,難得再有機會殺入決賽,仲點會有保留吖?首回合佢哋憑前史浩克04守將洛迪古斯一箭定江山小勝1:0,形勢大好,今仗做好穩守突擊,贏埋都唔出奇。


        仲有一點,佢哋主帥迪高阿古利打自由盃經驗豐富,球員時代曾經協助彭拿路贏過自由盃冠軍,咁啱當年効力哥倫比亞球隊阿美利加嘅加利卡,就係佢決賽嘅腳下敗將,心理優勢都贏埋啦!


        自由盃賽制


        採主客兩回合淘汰制,本輪為4強次回合,若總比數相同,作客入球較多一隊晉級,再和則於次回合後即射12碼決勝。


        声明:彩票直通车所提供一切足球单场资讯仅供彩民参考。