单场栏目
当前位置:  足球单场 >国际专家> 正文

乐比单场820期专家:阿仙奴借斯还魂

日期:11-8-24  来源:彩票直通车  编辑:风铃  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

         彩票直通车足球单场国际专家推荐


         歐聯外圍賽附加賽次回合重頭戲,烏甸尼斯主場同阿仙奴爭價值3.2億嘅分組賽資格。阿仙奴近期頭頭碰着黑,首回合險勝烏甸一比○,好多人擔心「兵工廠」會陷入低潮,但恐慌時樂觀,向來係樂比仔博彩哲學,難得反為阿仙奴受讓,絕對係執平貨良機,捧「讓球客勝」!(有線61及201台周四凌晨2時45分直播)


         阿仙奴近期黑過墨斗,主將法比加斯及拿斯尼被挖角,接連有球員受傷及停賽,導致聯賽及歐聯連輸三個盤,連領隊雲格都被歐洲足協罰停賽兩場,今仗無緣喺後備席上督師,幾乎所有消息都對阿仙奴不利。


         烏甸焗攻易輸突擊


         事實上,阿仙奴始終係阿仙奴,無論幾運滯,對住意甲二流球隊烏甸尼斯仍可睇高一線。雖然阿仙奴首回合冇乜明顯優勢,射門次數甚至較烏甸少,但呢個統計數字只因阿仙奴太早領先,領隊雲格為求保住勝果,所以踢法上先較為保守,結果成功冇失作客入球,出線形勢大好,唔代表阿仙奴真係怕咗烏甸。


         但今仗形勢完全唔同,因為實力較弱嘅烏甸,為爭取出線一定要主動出擊,隨時令本身已唔多穩嘅防線暴露更多空位,而烏甸失去王牌阿歷斯山齊士後,連射手迪拿達利嘅威脅力亦大減,實在難以攻破阿仙奴大門。反觀阿仙奴有尹佩斯及韋舒亞兩名主將復出,侵略性較首回合更強,依家大眾個個恐慌性跳船,阿仙奴難得受讓,唔捧等幾時呀!

声明: 彩票直通车所提供一切足球单场资讯仅供彩民参考。