单场栏目
当前位置:  足球单场 >国际专家> 正文

亨格比利单场819期:曼聯熱刺駁火「大」戰

日期:11-8-22  来源:彩票直通车  编辑:过桥米卢  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

        彩票直通车足球单场国际专家推荐


        曼聯熱刺駁火「大」戰
        22/08/2011
        文: 亨格比利


        英超今晚爆發重量級獨腳戲,由曼聯主場硬撼熱刺。齋睇往績,紅魔鬼近年一直食住對手,弊在佢哋3大護城守將都打柴,新加盟嘅龍門迪基亞又慌失失,焗住以攻為守;對家餓波餓到癲嘅熱刺條防線又係殘到甩晒轆,與其硬估邊隊贏,倒不如轉玩1.68倍「大」仲明智。(有線200、300及廣東體育周二凌晨3:00直播)

 

        紅魔3大守將打柴

 

        睇番往績,熱刺對上一次喺奧脫福揚威已經係1989年嘅事,加上紅魔鬼近6次主場鬥熱刺都贏晒,計往績熱刺就冇甜頭?嘞!之不過熱刺想話偷雞又唔係冇可能,事關被視為雲達沙接班人嘅迪基亞,繼社區盾畀迪斯高嘅遠射收死之後,首輪聯賽又係輸落地慢畀沙恩朗攻破大門,表現仍然畀唔到人信心。


        更濕滯嘅係一對中堅里奧費迪南同尼曼查維迪齊齊打柴,右閘拉菲爾達施華亦要抖10周,4人防線冇咗3件,領隊費格遜焗住要搵莊尼伊雲斯、菲爾鍾斯同基斯史摩寧3位後生仔擔大旗,個城牆出現條咁大裂痕,熱刺要攻陷曼聯唔係冇機。

 

        熱刺餓波誓破宿命

 

        畢竟熱刺都成21年未試過作客砌低曼聯,今戰本住冇嘢好輸嘅心態落場肯定踢得夠放,何況因倫敦暴亂令首輪聯賽改期之後,熱刺班球員擺明勁餓波,上星期歐霸盃附加賽首回合作客都大炒赫斯5蛋,今晚仲有莫迪歷克服鼠蹊傷復出添,搭住艾朗連儂、加里夫巴利同雲達華治幾隻老鼠仔衝鋒陷陣,火力夠晒保證。


        不過咁,熱刺條防線都好殘,中堅京治、加拿斯同右閘侯頓都養緊傷,頂唔頂得住由朗尼、拿尼同艾舒利楊格組成嘅攻擊鐵三角係一大疑問,既然大家都有前冇後,入波邊會少吖!
 


声明: 彩票直通车所提供一切足球单场资讯仅供彩民参考。