单场栏目
当前位置:  足球单场 >国际专家> 正文

单场817期专家:红军受让赶绝残“兵”

日期:11-8-20  来源:彩票直通车  编辑:风铃  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------


         彩票直通车足球单场国际专家推荐


         近年英超竞争愈来愈激烈,传统Big 4上季已经被瓦解。曼城嘅崛起,就率先踢利物浦出局。今季“红军”大洒金钱买人,似乎决心要重返Big 4行列。相反阿仙奴就一于要钱唔要命,亦一致被认定为会成为利物浦嘅替死鬼!阿仙奴今晚火并利物浦,就面对住人手严重不足嘅惨况,让平半睇嚟下盘冇甩拖!


         豪掟12.9亿扩军


         虽然一队波使钱多唔一定保证有好成绩,不过就睇得出佢班管理层有冇雄心同决心!利物浦今个夏天买入查理阿当、达宁、佐敦轩达臣同荷西安历基等好手,论买卖系英超入面投资最大嗰队。如果计埋今年一月喺转会市场嘅使费,“红军”今年内就已经用咗成亿英镑(约12.9亿港元)扩军。相反阿仙奴卖走法比加斯又冇乜收购,睇嚟都就成为全英超夏天买卖“最赚钱”嘅一队!


         阿仙奴伤停多到吓死人


         依家阿仙奴荷包迭水,不过阵容就削得交关,仲撞正今场伤停多到吓死人,桑治同谢云奴由今场开始停赛3场;韦舒亚、佐罗、基兰基比斯、阿曼特查奥尔、戴亚比同路斯基都话有伤,多数唔出得,今场焗住派几个二十岁都唔够嘅小将担正,你话点会有得赢先?


         利物浦开锣日虽然失分,不过嗰场波上半场表现已见气势。今晚只系得谢拉特同格连庄臣两个伤兵,苏亚雷斯、古积特同安祖卡路尔三大前锋可以任杜格利殊指派,中场仲有大把人使,人脚同阿仙奴差天共地。利物浦今季志切重返Big 4,今晚趁住死敌阿仙奴形势危危乎,正系大展拳脚嘅好时机。

声明: 彩票直通车所提供一切足球单场资讯仅供彩民参考。