单场栏目
当前位置:  足球单场 >国际专家> 正文

朱枫单场816期专家:狼堡平手客爆慕逊加柏

日期:11-8-19  来源:彩票直通车  编辑:风铃  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

         彩票直通车足球单场国际专家推荐


         德甲今晚上演独脚戏,由慕逊加柏主场对禾夫斯堡。虽然「狼堡」上轮输波,但表现仲好过拜仁,而且今场有救兵希斯佩加首度亮相,力足击败受伤停困扰嘅慕逊,平手盘朱枫捧「狼堡」!


         上季护级成功嘅慕逊,今季睇落有反弹迹象,暂获1胜1和,但查实每场仅入1球,锋力麻麻。假如今场赢波,慕逊将升上榜首,但教练法夫尔赛前就话冇所谓,反而大讚对手「狼堡」踢法紧密唔易应付。


         慕逊加柏受伤停困扰


         其实畀着我系法夫尔都担心啦!事关慕逊今场有中坚保华斯停赛,射手迪甘马高亦因背伤,肯定连同中坚史兰斯缺阵,最惨法希尔近排仲懒醒,将前锋艾迪素踢去些路迪试脚,阵容残到咁,真系唔系咁易抢分o架!


         对家禾夫斯堡今季大事增兵,首仗作客轻取科隆3:0开左个好头,上仗对拜仁其实亦佔尽优势,可惜前锋希美斯嘅头槌被误判诈胡,最后仲临天光瀨尿输0:1,认真唔抵。


         具滋哲伤韧带抖3个月


         虽然中场具滋哲近日练波时整伤左脚足踝韧带,至少抖3个月,但呢位南韩国脚一向唔系正选,影响根本唔大。更何况「狼堡」寻日已正式由韦斯咸免费签入希斯佩加3年,仲畀左件10号波衫佢着,睇得出非常睇好呢位德国国脚可以帮到手。事实上,希斯佩加以前踢史特加表现唔错,对德甲根本唔陌生,佢嘅重炮随时成為「狼堡」今场秘密武器都未定!

声明: 彩票直通车所提供一切足球单场资讯仅供彩民参考。