单场栏目
当前位置:  足球单场 >国际专家> 正文

力奇单场814期专家:撑巴塞称皇

日期:11-8-17  来源:彩票直通车  编辑:风铃  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------


        彩票直通车足球单场国际专家推荐


        连法比加斯都加盟埋巴塞,今晚场西超杯次回合大战,将会变成史上最贵、总值11.55亿欧元(约129亿港元)嘅对决!巴塞首回合半力出击兼作客都可以踢成2:2,今晚返到嚟鲁营主场兼有法比仔首演,要赢波捧杯有几难?我捧1.67倍主胜!


        皇马一队大军26人总身价达到5.48亿欧元(约61.4亿港元),巴塞嘅23人则值6.07亿欧元(约67.6亿港元),两队波星光熠熠,真系捱眼瞓凌晨5点起身睇波都值。讲番场波,力奇首先要认衰,西超杯首回合睇好状态大勇嘅皇马砌得低巴塞,结果惊涛骇浪之下银河舰队先逼和2:2。
 
        碧基沙维复任正选


        老实讲,首回合皇马其实踢得好出色,全场紧逼踢法睇到班人好Fit,前线宾施马亦都系进步良多,可惜嘅系佢哋遇到“地上最强”嘅巴塞,收起沙维、布斯基斯、碧基同柏度洛迪古斯等正选,派出新季未尝踢过正式比赛嘅美斯同阿历斯山齐士,结果都一度超前2:1,就算最后只系和波收场,相信主帅哥迪奥拿都一样收货。


        赛后唔少皇马球员都讲话赢唔到系冇运,不过力奇认为两班波嘅把握力同默契,先系高低嘅分野。事实上,美斯同韦拿全场波机会唔多,但一、两次射门就可以转化成入球。再者,巴塞嘅踢法相当成熟,畀波走位现身,对于意识良好嘅新兵A山绝对冇问题,更何况系自细喺拉玛西亚青训营长大嘅法比仔呢?


        首回合皇马就算有主场之利,兼夹控球指数较多,一样奈巴塞唔何,今次嚟到次回合巴塞主场,预计至少碧基同沙维都有望复任正选,法比仔至少会后备披甲,巴塞绝对有把握喺自己地头捧杯打响头炮啰!


        赛制采主客两回合,今轮为次回合,若两回合总比数赛和,以作客入球较多一方为胜,若作客入球数字相同,则在次回合后加时30分钟,再和则互射12码分胜负。
 


声明: 彩票直通车所提供一切足球单场资讯仅供彩民参考。