单场栏目
当前位置:  足球单场 >国际专家> 正文

朱枫单场814期专家:洛宾复出 拜仁双翼

日期:11-8-17  来源:彩票直通车  编辑:风铃  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

        彩票直通车足球单场国际专家推荐


        啱啱喺德甲开斋嘅拜仁慕尼黑,今晚会踏上欧联征途,喺附加赛首回合主场对苏黎世。虽则话拜仁近况麻麻,但系预计洛宾会复出,有权大胜闹中场荒嘅苏黎世,1.42倍“让球主胜”热得有理!


        虽然今夏大事扩军,但拜仁慕尼黑嘅新季表现只系麻麻,上仗作客禾夫斯堡,最后仅靠中场路尔斯古斯达禾喺补时阶段建功,先符碌赢1:0,只不过成功喺德甲开斋,的确增强咗球员信心同士气,有助今晚发挥。


        唔怕军情外泄信心爆棚


        其实拜仁近排踢得咁曳,跟洛宾同列贝利成日伤有好大关系,两人今季开咧后原来未试过一齐担正,不过教练轩历基斯赛前爆料,话上场因背伤缺阵嘅洛宾已经复操,有信心可以喺今仗披甲。梗系啦,赛前有德国传媒估计,拜仁入唔到分组赛就攞唔到至少2,000万欧元(约2.2亿港元)收入,唔博就假。赛前前锋马里奥高美斯仲特别同前史特加队友、目前效力苏黎世嘅左闸麦连互传讯息探听对方军情,完全唔惊畀人摸清啲路,反映拜仁信心爆棚。


        苏黎世闹中场荒
 
        苏黎世近年进步神速,09年仲历史性杀入分组赛,作客仲赢过AC米兰。今季佢哋以瑞士超级联赛亚军身份打欧联,上圈两回合计淘汰比利时劲旅标准列治2:1晋级,日前仲喺瑞士超反胜死敌巴素利,但代价就认真大,中场大将古古鲁索域右膝十字韧带撕裂,证实要抖半年,加埋一早受伤嘅沙维亚马基斯同苏乌希,本来5个中场中路球员依家只得番2件可以用,再加上正选右闸菲腊比高治又要停赛,作客拜仁输两粒系最低消费!


声明: 彩票直通车所提供一切足球单场资讯仅供彩民参考。