单场栏目
当前位置:  足球单场 >国际专家> 正文

朱楓单场814期专家推荐:特温特擒鹰

日期:11-8-16  来源:彩票直通车  编辑:过桥米卢  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

        彩票直通车足球单场国际专家推荐


        川迪出齊架生獵鷹
        16/08/2011
        文: 朱楓


        有乜比返屋企更好?荷甲勁旅川迪今晚喺歐聯附加賽首回合對「里斯本之鷹」賓菲加,終於獲准重返主場比賽,大大提升信心同士氣,加上殺手拜仁雷斯已獲「解凍」,對住人腳唔齊嘅賓菲加,小讓平半朱楓梗係撐上盤啦!(有線64及204周三凌晨2:45直播)


        川迪近年喺荷甲表現神勇,上季又取得亞軍,今季得以進身歐聯。雖然今年改由阿祖安斯執教,但表現亦冇走樣,上圈歐聯兩回合計以2:0輕取華斯路伊,喺荷超盃又作客擊敗阿積士捧盃,暫時喺荷甲更加兩連勝,表現極之對辦。

 

        賓菲加新兵舊將未磨合

 

        川迪主場早前因為擴建倒塌死人,被罰臨時封閉,好彩執正咗之後,獲准解封舉行荷甲賽事,日前更獲歐洲足協批准,可以用嚟舉行今晚對賓菲加嘅歐聯,肯定有助球員發揮;至於早前因被熱刺挖角想走而被球會雪藏嘅射手拜仁雷斯,日前亦同川迪傾掂數,喺對阿爾克馬爾後備上陣仲即刻入波,難怪賽後畀教練阿祖安斯激讚,話荷甲冇第二個球員實力拍得住呢位哥斯達黎加國腳,仲話好有信心解決賓菲加,事關佢曾經教過波圖,非常熟悉賓菲加踢法咁話。


        由於上季只得葡超亞軍、今夏大事增兵嘅賓菲加,雖然早前喺歐聯第3圈外圍賽兩回合以3:1輕取特拉布宗晉級,但喺葡超揭幕戰作客卻喺領先兩球下,最後被基維辛迪逼和2:2,反映新舊球員仲處於磨合期,當中新簽嘅西班牙國腳左閘卡迪維拿,仲因狀態不足,被踢出歐聯大軍,加上射手奧斯卡卡度素又扭計離隊避戰,相信今晚都只望輸少啲,博次回合返主場先砌過!
 


声明: 彩票直通车所提供一切足球单场资讯仅供彩民参考。