单场栏目
当前位置:  足球单场 >国际专家> 正文

牛奶仔单场809期专家:黑池新兵博上位抵锡

日期:11-8-11  来源:彩票直通车  编辑:风铃  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

        彩票直通车足球单场国际专家推荐


        今晚英聯盃上演獨腳戲,由兩支分別喺聯賽首輪旗開得勝嘅錫周三同黑池硬撼。今季跌落英冠嘅黑池有2名新兵亮相,作客低一班嘅錫周三至少能保不敗,捧1.57倍「讓客」。(now638台周五凌晨2:45直播)


        錫周三火力疲弱


        黑池由英超降班後先後有查理阿當、禾漢同杜迪利甘保離隊他投,但佢哋上場開咧戰作客侯城,仍能憑泰萊費查一箭定江山贏波,於新季取得好開始,而頂替隊長查理阿當嘅巴利費格該役亦有出色表現,預料今場續披正選。更重要係黑池管理層並唔甘心留喺英冠,近日便從利物浦收購年輕中場湯恩斯,以及簽入前查爾頓後衞利拿加強實力,二人今仗處子登場,肯定希望博表現爭取正選位置。


        自前季降落英甲後一沉不起嘅錫周三,今季總算有個好開始,首輪比賽成功打響頭炮,可惜今仗有翼鋒謝明莊臣因傷未能候命,攻力大為削弱。最慘係上季首、次席射手美羅及湯美米拿今夏離隊後,會方又冇羅致番個有質素嘅攻擊球員,睇怕今仗都幾難撕破黑池穩健嘅防線!


声明: 彩票直通车所提供一切足球单场资讯仅供彩民参考。