单场栏目
当前位置:  足球单场 >国际专家> 正文

朱枫单场808期推荐:阿根廷可轻松胜出

日期:11-8-9  来源:彩票直通车  编辑:过桥米卢  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

        彩票直通车足球单场世青赛国际专家推荐


        埃及弗到漏唔赦阿根廷
        09/08/2011
        文: 朱楓


        世青盃聽朝爆發16強大戰,由6屆冠軍阿根廷U20迎戰埃及U20打頭陣。阿根廷分組賽以首名出線,但今場有兩大主力受傷極有可能缺陣,對住分組賽曾經打和巴西嘅埃及,唔似可以輕鬆贏出,朱楓信埃及夠料喺法定時間保持不敗開出「讓客」!(開賽時間:周三早上6:00)


        世青盃史上捧盃次數最多嘅阿根廷,喺分組賽表面睇落對辦,仲响F組以首名出線,但其實表現只係一般,首場僅以1球險勝墨西哥,次仗更被人腳唔齊嘅英格蘭逼和0:0,去到最後一仗對住魚腩北韓先大勝3:0。當中被譽為「新美斯」嘅伊杜比1球都未入過,「新艾馬」拉美拿亦只入得1球,上場對北韓仲因為拗柴缺陣,今場上陣成疑,但最大鑊上場對北韓,隊長兼後防大將比斯拿拉傷肌肉一早傷出,聽朝極大機會倦勤。

 

        新美斯新艾馬唔掂檔

 

        事實上,阿根廷領隊比沙奴賽前接受訪問,對今仗亦唔係有太大信心:「我哋進入咗最危險階段,唔可以再有任何犯錯,必須付出100%努力。埃及之前對巴西踢得好好,絕對係一個好難纏嘅對手。」


        01年世青盃季軍埃及,喺今屆分組賽表現出色,首仗就逼和大熱門巴西,之後連勝巴拿馬同奧地利,最後僅因得失球差唔及巴西以E組次名出線,當中前鋒伊巴謙仲喺最後一場分組賽對奧地利大演帽子戲法,狀態弗到漏,今場對住冇人孭飛嘅阿根廷,絕對有權製造爆冷戰果o架!


声明: 彩票直通车所提供一切足球单场资讯仅供彩民参考。