单场栏目
当前位置:  足球单场 >国际专家> 正文

亨格比利单场808期:搵宿敌巴拉福特祭旗

日期:11-8-9  来源:彩票直通车  编辑:过桥米卢  浏览人数:     

标签:足球单场  北京单场  北单推荐  专家推荐  

【字号:    

-------------------------------------------------------------------------------------------------------

        彩票直通车足球单场英联杯国际专家推荐


        英聯盃開打撐列斯聯有福
        09/08/2011
        文: 亨格比利


        英聯盃今晚揭開序幕,首圈賽事即爆發西約克郡打吡,由列斯聯主場恭候巴拉福特。英冠隊伍列斯聯開鑼戰失威,今鋪肯定想出番啖氣,搵宿敵巴拉福特祭旗,一於捧2.2倍「讓主」。(now638台及廣東 體育周三凌晨2:45直播)

 

        巴拉福特主帥冇料失民心

 

        西約克郡足球近年唔爭氣,3大代表隊伍列斯聯、巴拉福特同哈特斯菲爾德都喺低組別徘徊,導致唔少居民轉睇欖球,當中以列斯犀牛隊同巴拉福特公牛隊最威水,堪稱英格蘭欖球界Big2。


        同市欖球隊搶盡風頭,列斯聯同巴拉福特當然想藉呢場打吡吐烏氣,雙方新季同樣出師不利,但列斯聯本身鋒力唔曳,辛迪加斯、羅斯麥哥馬克同麥斯格拉度(上圖白衫)呢個三叉戟極具威脅,會方季前更對症下藥,簽入門將朗拿根同中場悍將米高布朗鞏固防線,力求減低失球數字。


        反觀對家巴拉福特積弱多年,上季喺英乙仲差啲搞到降班收場添,加上唔少球員、球迷都對會方聘用冇料新帥彼德積遜唔多支持,士氣、實力都咁曳,大敗似乎係今戰劇本。

 


声明: 彩票直通车所提供一切足球单场资讯仅供彩民参考。